كلمات أنا ونيـت

أنا ونيـت يـوم الليـل دنّـا
ونين اللـى بعلاتـه حزينـا
مضت لايام ما حد سال عنّـا
و لا من صوبهم هاتف إيجينا
كذا لايـام يـا خلـي تثنـا
تثنا مثـل حبـل الواردينـا
صبرت وكان كثر الصّبر ظنّا
على هامش مسير العاشقينـا
ولا تأكيد مـن خبـره يبنّـا
شـرى لالٍ زهـا للواردينـا
وكم طبّع بحركم مـن سفنّـا
ونسبح في لجاجه مخطرينـا
خلفت الظن وانته لى مضنّـا
خساره ما مضى واصبح دفينا
خيالك دايم مـا غـاب عنّـا
وطيفك في منامي يا الضّنينا
سجل اوراقكم محجـوز عنّـا
متى لمعامله تصـدر علينـا
أختامك يا عزيزي ما وصلّنا
تذكرنـا ترانـا مخطريـنـا
أنا اللى مثل طير فـوق فنّـا
شبكني مثل نصب الصّايدينـا
ولحظه من عيونـك يذبحنّـا
بصفين الهـدب والحاجبينـا
وخصرين نحايف وانطونّـا
وعوده من هوا النسمه يلينـا
تعثكل فـوق لامتـان وتثنّـا
شرات الليل والبـدر الجبينـا
حسين اللون مدمـي الوجنّـا
شرى فوعة ورود الياسمينـا
من اشكال الوضيحي ما خذنّا
تخـز وذيروهـا القانصينـا
أنا والله لو ما انـت المضنّـا
وتملكني عهـود مـن سنينـا
لغني بالهوى فـي كـلّ فنّـا
وابيعه بيع نـاسٍ مرخصينـا




ميحد حمد كلمات أخرى